काठमाडौँ । नेपालले वेस्ट इन्डिज ‘ए’ विरुद्धको पहिलो खेलमा १०० रन पुरा गरेको छ ।
टस जितेर फिल्डिङ रोजेको नेपाललाई वेस्ट इन्डिजको टोलीले २०५ रनको विशाल लक्ष्य दिएको छ । यो लक्ष्य पछ्याउने क्रममा नेपालले ३ विकेटको क्षतिमा १०० रन पुरा गरेको हो ।
१२ ओभर खेल्दै १०० रन पुरा गर्ने क्रममा नेपालले अनिल शाह, कुशल भुर्तेल र कुशल मल्लको विकेट गुमाइसकेको छ । शाह ५ रन बनाएर आउट हुँदा भुर्तेल र मल्लले समान १६–१६ रन बनाएका छन् । कप्तान रोहित पौडेलले ३४ बलमा ६४ रन बनाएर खेलिरहेका छन् ।
कप्तान पौडेललाई दिपेन्द्रसिंह ऐरीले साथ दिइरहेका छन् ।
