अनुहारमा काला दागहरू आएर अथवा अनावश्यक चिल्लोपना भएर तनावमा हुनुहुन्छ भने घरेलु सामग्रीको प्रयोग गरी उपचार गरेर सहजै त्यस्ता दागहरू हटाउन सकिनेछ ।
१. एक चम्चा बेकिङ सोडामा २ चम्चा पानी मिसाएर पेस्ट बनाई त्यो पेस्टलाई कालो दाग भएको ठाउँमा लगाउनुहोस् । १०–१५ मिनेटपछि धुनुहोस् । यसले एक्सपोलिएटरको काम गर्छ र अनुहारमा भएको तेल समेत सोस्ने गर्छ ।
२. बेसार र नरिवलको तेल मिलाएर पेस्ट बनाई अनुहारमा लगाउने र १०–१५ मिनेटपछि धुने । यो विधि हप्तामा २–३ पटकसम्म गर्दा अनुहारको कालो दाग हट्छ ।
३. एक चम्चा ग्रीन टीको पत्तालाई पानीमा मिलाएर पेष्ट बनाई अनुहारमा लगाउनुस् । पेष्ट लगाइसकेको २० मिनेटपछि मनतातो पानीले धुनुहोस् । यसले दागहरु हटाउन मद्दत गर्छ ।
४. केराको बोक्राको भित्रको भागले काला दाग भएको ठाउँमा रगड्नुहोस् । यसले कालो दाग हटाउन सक्छ ।
५. कचौरामा एउटा अण्डा र एक चम्चा मह मिलाएर पेष्ट बनाउनुहोस् । यस्तो पेष्टलाई कालो दाग भएको ठाउँमा लगाउनुहोस् । अब यसलाई १५–२० मिनेट सुक्न दिनुहोस् । त्यसपछि मनतातो पानीले धुनुहोस् । हप्तामा दुई पटक यो विधि अपनाउने हो भने काला दागहरू सहजै हटाउन सकिन्छ ।
