एजेन्सी । बंगलादेशमा चलिरहेको आरक्षण विरोधको आन्दोलले हिंसात्मक रूप लिएपछि अवस्थालाई नियन्त्रणमा लिन देशभर कर्फ्यूको घोषणा गरिएको छ ।
शुक्रबार नरसिङदीको कारागारमा आन्दोलनकारीले आक्रमण गरी सयौं कैदीलाई निकालेपछि प्रधानमन्त्री कार्यालयले देशव्यापी कर्फ्यू घोषणा गरेको हो ।
बंगलादेशमा आरक्षण विरोधी आन्दोलनका क्रममा भएको हिंसामा अहिलेसम्म ३५ जनाको मृत्यु भइसकेको छ ।
सन् १९७१ को स्वतन्त्रता संग्राममा भाग लिने स्वतन्त्रता सेनानीका परिवारलाई सरकारी जागिरमा दिएको आरक्षणको विरोधमा अहिले देशव्यापी आन्दोलन चलिरहेको छ ।
