काठमाडौँ– फिल्म ‘छक्का पञ्जा ५’ ले प्रदर्शनमा आएको दुई दिनमै चार करोडभन्दा बढी ग्रस कलेक्सन गरेको छ । फूलपातीको दिनदेखि प्रदर्शनमा आएको फिल्मले विहिबार र शुक्रबार सो रकम कलेक्सन गरेको हो ।
फिल्मको वितरण कम्पनी ब्यांकटेस इन्टरटेनमेन्टका अनुसार दुई दिनमा देशब्यापी ४ करोड रुपैयाँ ग्रस हाराहारीमा कमाइ गरेको ले जनाएको छ ।
वितरक मनोज राठीले पहिलो दिन फिल्मले १ करोड ८० लाखदेखि २ करोडसम्म कमाइ गरेको बताए । ‘यो छक्कापञ्जाको अघिल्लो सिरिजको तुलनामा रेकर्ड ब्रेक भएको उनको भनाइ छ ।
ट्रेन्ड हेर्दा विजया दशमीको दिनमा शनिबार र आइतबारको सार्वजनिक बिदाको दिनमा गरि फिल्मको ४ दिने कूल कलेक्सन ५ करोड नाघ्ने प्रक्षेपण वितरकको छ । दशैं बिदा सोमबारसम्मै छ ।
