एजेन्सी । इरानमाथि इजरायलले आक्रमण गरेको छ ।
अन्तर्राष्ट्रिय सञ्चारमाध्यमहरूले जनाएअनुसार शनिबार बिहान इजरायलले तेहरान आसपास इरानी सैन्य अड्डालाई लक्षित गरी हवाई आक्रमण गरेको हो ।
यसअघि अक्टोबर १ मा इरानले इजरायलमा आक्रमण गरेको थियो । त्यतिबेला इरानले १८० वटाभन्दा बढी मिसाइलले इजरायलमाथि आक्रमण गरेको थियो ।
उक्त आक्रमणलाई इरानले इजरायलमाथि गरेको ठूलोमध्येको हमला भनिएको थियो । सो आक्रमणपछि इजरायलले त्यसको जवाफ दिने र इरानले चर्को मूल्य चुकाउनुपर्ने चेतावनी इजरायली प्रधानमन्त्री बेन्जामिन नेतन्याहुले दिँदै आएका थिए ।
