काठमाडौं । नेपाल प्रिमियर लिग (एनपिएल) मा आज हुने पहिलो खेलमा काठमान्डु गुर्खाजले टस जितेको छ ।
कीर्तिपुरस्थित त्रिवि क्रिकेट मैदानमा काठमान्डुका कप्तान करण केसीले टस जितेर विराटनगर किङ्ग्सलाई ब्याटिङको निम्तो दिएका हुन् ।
खेल अहिले ९ बजेबाट सुरु हुँदैछ । आज विराटनगरलाई ठूलो रन रेटमा जितेको खण्डमा मात्रै काठमान्डु प्लेअफमा पुग्नेछ भने विराटनगर प्लेअफ चरणबाट बाहिरिसकेको छ।
यस्तै आजै दिउँसो १ बजे हुने दोस्रो खेलमा पोखरा एभेन्जर्स र सुदूरपश्चिम रोयल्स भिड्नेछन् ।
