काठमाडौ । नेपाली समाजको यथार्थ चित्रण गर्ने सिरियल “छोरी बुहारी” TLN Media युट्युब च्यानलमा सार्वजनिक गरिएको छ। नेपाली समाजको सांस्कृतिक विविधता र वास्तविकतालाई चित्रण गर्ने नयाँ टेलिभिजन सिरियल “छोरी बुहारी” ले टेलिभिजन Space 4K मा हरेक बिहिबार ७:०० बजे प्रदर्शन हुने भएको छ। मनोरञ्जनका साथै सामाजिक सन्देश दिन तयार गरिएको यो सिरियलले नेपाली दर्शकहरूको मन जित्ने अपेक्षा राखेको छ।
“छोरी बुहारी” परम्परागत र आधुनिक सोचबीचको सन्तुलनलाई प्रस्तुत गर्दै पारिवारिक सम्बन्ध, माया, र संघर्षलाई केन्द्रमा राखेको छ। सिरियलका कथाहरूमा विशेष गरी महिलाको भूमिका—छोरी र बुहारीको योगदान, चुनौती, र यात्रा—लाई उजागर गरिएको छ। महिला सशक्तीकरण, लैङ्गिक समानता, घरेलु हिंसाविरुद्धको जागरण, र समुदायका समस्याहरूलाई सिरियलले प्रभावकारी ढंगले उजागर गरिएको छ।
“छोरी बुहारी” को लेखक शर्मा जी प्यूठान हुन् र यो सिरियललाई निर्देशक सविना आचार्यले निर्देशन गरेका हुन् भने निर्माता सुजन शर्मा हुन्। प्रमुख कलाकारहरूमा दमन रुपाखेती, रश्मी भट्ट, देवेन्द्र राज पाण्डे, दिया जि सि, बिनम कँडेल, केशव सापकोटा, प्रताप महर्जन बस्नेत, र रोशन दाहाल, मानब शिवाकोटी समावेश छन्।
सिरियल थग लाइफ नेपाल मिडिया प्रा.लि. (TLN Media) द्वारा निर्माण गरिएको हो। TLN Media ले सिरियललाई उच्च गुणस्तरमा प्रस्तुत गर्न अनुकरणीय प्रविधिको प्रयोग गरिरहेको छ। सिरियललाई डिजिटल प्लेटफर्महरू (यूट्युब च्यानल: TLN Media, फेसबुक पेज: Thug Life Nepal / Geet Nepal) र Space 4K टेलिभिजन च्यानलमार्फत हरेक बिहिबार ७:०० बजे प्रसारण गरिनेछ।
पूर्ण एपिसोड भने पुष १८ गते (बिहिबार) बेलुका ७:०० बजे टेलिभिजन Space 4K मा प्रदर्शन हुने भएको छ र युटुब TLN Media मा ७:२५ मा रिलिज हुनेछ । सिरियलले मनोरञ्जनका साथै सामाजिक सन्देशसमेत दिने लक्ष्य राखेको छ।
