काठमाडौँ । संगीतकार सुरेश अधिकारी अस्पताल भर्ना भएका छन्। अचानक मुटुमा समस्या आएपछि उनलाई ललितपुरका नख्खु स्थित मेडिसिटी अस्पतालमा भर्ना गरिएको हो ।
संगीतकार संघ नेपालका अध्यक्ष चेतन सापकोटाले उनलाई अस्पताल भर्ना गरेको जानकारी दिए । सापकोटाका अनुसार अधिकारीले हिजो भिर माहुरीको मह खाएका थिए । सोही कारण उनको स्वास्थ्यमा समस्या देखिएको हो ।
अधिकारीको स्वास्थ्य अहिले सामान्य रहेको छ । अधिकारी संगीत तथा रोयल्टी संकलन समाजका अध्यक्ष समेत हुन् ।
