काठमाडौं । शुक्रबार काठमाडौंको तीनकुनेमा भएको राजावादी आन्दोलको तोडफोड, आगजनी र लुटपाटका घटनामा जिम्मेवार रहेको भन्दै पक्राउ परेका राप्रपा नेता रवीन्द्र मिश्र र धवलशम्सेर जबरालाई म्याद थपका लागि सरकारी वकिलको कार्यालयमा लगिएको छ ।
थुनुवाको पोशाकमा रहेका रवीन्द्र मिश्र, दुर्गा प्रसाईँको अभियानका आरटीएफ कमाण्डर मुनिन्द्र राजभण्डारीलगायतलाई हतकडी लगाइएको छ ।
धवल शमसेर जबरालाई भने बेग्लै गाडीमा हतकडी नलगाई सरकारी वकिलको कार्यालयमा उपस्थित गराइएको छ । उनीहरुलाई त्यहाँबाट काठमाडौं जिल्ला अदालतमा लगिएको छ ।
मिश्र र राणासहित ४१ जनामाथि १० दिन म्याद थप्न प्रहरीले मागेको छ । उनीहरुविरुद्ध राजद्रोहको मुद्दा लगाइने भएको छ ।-नेपाल प्रेस
