डडेल्धुरा— डडेल्धुराको अमरगढी नगरपालिका–८ डकलेमा जीपबाट खसेर एक महिलाको मृत्यु भएको छ।
जिल्ला प्रहरी कार्यालय डडेल्धुराका अनुसार मृत्यु हुनेमा अमरगढी नगरपालिका–८ की २६ वर्षीया निर्मला भूल रहेका छन्।
आईतबार दिउँसो साढे ४ बजेतिर जिल्ला सदरमुकामबाट बैतडीतर्फ जाँदै गरेको से १ ज ७३९ नम्बरको जीपबाट ओर्लिने क्रममा उनी खसेर गम्भीर घाइते भएकी थिइन्।
उपचारका क्रममा डडेल्धुरा अस्पतालमा सवा ५ बजेतिर उनको मृत्यु भएको प्रहरी निरीक्षक तथा सूचना अधिकारी उपेन्द्रबहादुर बमले जानकारी दिए।
प्रहरीले जीप र चालक, बैतडीको सिगास गाउँपालिका–५ ढुङ्गाडका ४० वर्षीय रामसिंह धामीलाई नियन्त्रणमा लिएको छ।
