काठमाडौँ । जुत्ता चप्पलको पुरानो ब्राण्ड गोल्डस्टारलाई वाणिज्य आपूर्ति तथा उपभोक्ता संरक्षण विभागले दुई लाख पाँच हजार रुपैयाँ जरिवाना गरिएको छ ।
मोर्डन स्लिपर इण्डष्ट्रिज प्रालिले ‘गोल्डस्टार’ जुत्ता र ‘हात्तीछाप’ चप्पल उत्पादन गरेर एमआरपी नराखी बजार पठाइएको पाइएपछि उक्त रकम जरिवाना गरिएको बजार निरीक्षण अधिकृत अमितकुमार झाले जानकारी दिए ।
सोमबार गएको विभागको निरीक्षण टोलीले उक्त प्रालिले एमआरपी नराखी तथा लेबल नराखी जुत्ता चप्पल बजार पठाउन लागेको भेटिएपछि उक्त जरिवाना गरेको हो ।
साथै तीन दिनभित्र विभागमा उपस्थित हुन निर्देशन दिइएको छ ।
