नयाँ दिल्ली । बुधबार नयाँ दिल्लीबाट श्रीनगर जाँदै गरेको इन्डिगो एयरलाइन्सको विमान भीषण असिना–पानीको चपेटामा परेको छ ।
श्रीनगरको आकाशमा पुगेको अवस्थामा अचानक तीव्र गतिको हावाका साथ असिना–पानी परेको थियो । विमानमा यात्री र चालक दलका सदस्य गरी २२७ जना सवार थिए ।
असिनाको चोटले विमानको अघिल्लो हिस्सामा क्षति भएको छ । विमानमा सवार यात्रीका अनुसार प्रतिकूल मौसमका कारण पटक–पटक झट्का महसुस गरिएको थियो ।
विमानलाई श्रीनगर विमानस्थलमा आपतकालीन अवतरण गराइएको थियो । यात्री र चालक दलका सदस्य सकुशल रहेको अधिकारीहरूले जनाएका छन् ।
इन्डिगो एयरलान्यसले फ्लाइट नम्बर ६ई २१४२ रहेको विमानले बाटोमै असिना–पानीको सामना गर्नुपरेको जनाएको छ । चालक दलका सदस्यले प्रोटोकल पालन गर्दै विमानलाई सकुशल अवतरण गराएको एयरलाइन्सले जनाएको छ ।
