विराटनगर । सुनसरीको खनारमा महिला ट्राफिक प्रहरीले एक जना सिटी रिक्सा चालकसँग घुस रकम लिँदै गरेको भिडियो यतिबेला सामाजिक सञ्जालमा भाइरल भएको छ ।
एमआर मनोज भूजेलले आफ्नो फेसबुक पेजमा यो भिडियो अपलोड गरेका छन् । घटना कहिलेको हो र कति रकम लिएको हो भन्ने सम्पूर्ण विवरण खुलाइएको छैन । चालकसँग घुसबापतको रकम लिने ट्राफिक प्रहरी को हुन भन्ने पनि स्पष्ट छैन ।
तर, यो घटनाले राजमार्गमा खटिने प्रहरीले चालकहरुसँग कसरी रकम असुल्छन् भन्ने प्रस्टै देखिएको छ । यस किसिमका घटनाबारे जनस्तरबाट गुनासो र उजुरी हुने गरेपनि खासै कारवाही भएको भने पाइँदैन ।-आवर विराटनगर
