इजरायली वायुसेनाले आइतबार यमनको राजधानी सानामा हवाई आक्रमण गरेको छ । यी आक्रमणहरूमा कम्तिमा ४ जनाको मृत्यु र ६७ जना घाइते भएको अन्तर्राष्ट्रिय सञ्चार माध्यमहरूले जनाएका छन् ।
यो आक्रमण यमनका हुथी विद्रोहीहरूले इजरायलमाथि गरेको क्षेप्यास्त्र आक्रमणको जवाफमा गरिएको हो ।
यसअघि शुक्रबार राति हुथी विद्रोहीहरूले पहिलोपटक इजरायलमाथि क्लस्टर बम वारहेडले सुसज्जित ब्यालिस्टिक क्षेप्यास्त्र प्रहार गरेका थिए ।
क्षेप्यास्त्रको एक भाग इजरायलको गिनाटोन शहरको एउटा घरमा लागेको थियो । तर, मानवीय क्षति भने भएन ।
यसपछि, इजरायलले बदलामा यमनको राजधानी सानालाई निशाना बनाएको हो ।
