एजेन्सी । गाजा सहरको घना आवासीय क्षेत्र अल–रिमलमा इजरायलले गरेको हवाई आक्रमणमा हमासको सशस्त्र शाखा ‘अल–कस्सम ब्रिगेड’का प्रवक्ता अबु ओबेदा मारिएको दाबी गरिएको छ ।
शनिबार राति गरेको आक्रमणमा उनी मारिएको दाबी इजरायलले गरेको हो ।
इजरायली रक्षामन्त्री इजरायल काट्जले सार्वजनिक रुपमा ओबेदा मारिएको सूचना दिँदै उक्त कारबाहीमा संलग्न इजरायली रक्षा बल (आईडीएफ) र आन्तरिक गुप्तचर निकाय शिन बेटलाई बधाई दिएका छन् ।
काट्जले यसलाई गाजामा आतंकवादी संरचनाविरुद्धको ठूलो सफलता भएको उल्लेख गरेका छन्।
