तेहरान । अमेरिका र इजरायलको संयुक्त सैन्य आक्रमणपछि इरानले त्यसको ध्वंसात्मक प्रतिवाद गर्ने तयारी गरेको छ। एक इरानी अधिकारीले रोयटर्स समाचार एजेन्सीलाई दिएको जानकारी अनुसार, तेहरानले यी आक्रमणहरूको बदला लिन ठुलो स्तरको जवाफी रणनीति बनाइरहेको हो।
यसैबिच, इरानी संसदको राष्ट्रिय सुरक्षा आयोगका प्रमुख इब्राहिम अजिजीले सामाजिक सञ्जालमार्फत कडा चेतावनी दिएका छन्। उनले लेखेका छन्, ‘हामीले तिमीहरूलाई पहिले नै चेतावनी दिएका थियौँ! अब तिमीहरू यस्तो बाटोमा अघि बढेका छौ, जसको अन्त्य अब तिम्रो नियन्त्रणमा रहने छैन।’
इजरायलले इरानमाथि मिसाइल आक्रमण सुरु गरेको पुष्टि गरिसकेको छ भने अमेरिकी अधिकारीले यसमा संयुक्त राज्य अमेरिकाको पनि सक्रिय सहभागिता रहेको बताएका छन्। अहिले इरानको राजधानी तेहरानका विभिन्न स्थानमा शृङ्खलाबद्ध ठुला विस्फोटका आवाजहरू सुनिएका छन्।
