काठमाडौँ । सन् २०२६ को विश्वकप छनोट प्ले-अफ सकिएको छ र अब यसै गर्मीयाममा अमेरिका, क्यानडा र मेक्सिकोमा हुने प्रतियोगिताका लागि सबै ४८ टोलीको टुंगो लागेको छ।
गत डिसेम्बरमा भएको विश्वकप समूह विभाजनमा छनोट भइसकेका ४२ टोलीलाई आ-आफ्नो समूहमा राखिएको थियो। बाँकी ६ वटा समूहमा प्ले-अफ फाइनलका विजेताहरूलाई समावेश गरिएको छ।
प्रतियोगिताको आयोजक राष्ट्रका रूपमा स्वतः छनोट भएको अमेरिकालाई पहिले नै समूह ‘डी’ मा राखिएको थियो। अमेरिकाले आफ्नो प्रतियोगिता जुन १२ मा क्यालिफोर्नियास्थित सोफी स्टेडियममा पाराग्वेविरुद्ध खेल्दै सुरु गर्नेछ। त्यसपछि अमेरिकी टोलीले अस्ट्रेलियासँग खेल्नेछ भने मंगलबार कोसोभोलाई हराउँदै छनोट भएको टर्कीसँग खेल्दै समूह चरणको अन्त्य गर्नेछ।
क्यानडा समूह ‘बी’ मा छ र उसले जुन १२ मा टोरन्टोको बीएमओ फिल्डमा बोस्निया र हर्जगोभिनाविरुद्ध खेल्दै प्रतियोगिताको सुरुवात गर्नेछ। उसको समूह चरणका अन्तिम दुई खेल कतार र स्वीट्जरल्याण्डविरुद्ध हुनेछन्।
मेक्सिकोले जुन ११ मा मेक्सिको सिटीको एस्टाडियो एज्टेकामा दक्षिण अफ्रिकाविरुद्ध खेल्दै विश्वकपको उद्घाटन खेल आयोजना गर्ने अवसर पाएको छ। सह-आयोजक मेक्सिकोले समूह ‘ए’ मा दक्षिण कोरिया र चेक रिपब्लिकको पनि सामना गर्नेछ।
विश्वकप २०२६ का लागि छनोट भएका टोलीहरू:
एएफसी (एसिया): अस्ट्रेलिया, इरान, जापान, जोर्डन, दक्षिण कोरिया, कतार, साउदी अरेबिया, उज्वेकिस्तान, इराक
सीएएफ (अफ्रिका): अल्जेरिया, केप भर्डे, आइभरी कोस्ट, इजिप्ट, घाना, मोरक्को, सेनेगल, दक्षिण अफ्रिका, ट्युनिसिया, डिआर कंगो
कोन्काकाफ (उत्तर, मध्य अमेरिका र क्यारेबियन): अमेरिका, क्यानडा, मेक्सिको, कुराकाओ, हाइटी, पानामा
कन्मेबोल (दक्षिण अमेरिका): अर्जेन्टिना, ब्राजिल, कोलम्बिया, इक्वेडर, पाराग्वे, उरुग्वे
ओएफसी (ओसियाना): न्युजिल्याण्ड
यूईएफए (युरोप): इंग्ल्यान्ड, फ्रान्स, क्रोएसिया, नर्वे, पोर्चुगल, जर्मनी, नेदरल्यान्ड्स, अस्ट्रिया, बेल्जियम, स्कटल्याण्ड, स्पेन, स्वीट्जरल्याण्ड, स्विडेन, टर्की, बोस्निया र हर्जगोभिना, चेकिया
विश्वकप २०२६ को ढाँचा
४८ टोलीलाई ४-४ टोलीको १२ वटा समूहमा विभाजन गरिएको छ। नकआउट चरणमा पुग्ने राष्ट्रहरूको टुंगो लगाउन प्रत्येक टोलीले आफ्नो समूहभित्र तीनवटा खेल खेल्नेछन्।
समूह चरणपछि ३२ वटा टोली नकआउट चरणमा प्रवेश गर्नेछन्। प्रत्येक समूहका शीर्ष दुई टोली र तेस्रो स्थानमा रहने उत्कृष्ट आठ टोली अघिल्लो चरणमा पुग्नेछन्। अंक बराबर भएको अवस्थामा टाइ-ब्रेकर नियम अनुसार क्रमशः गोल अन्तर, गरेको गोल संख्या, हेड-टु-हेड खेल, फेयर प्ले रेकर्ड र अन्त्यमा गोला प्रथाको आधारमा निर्णय गरिनेछ।
यस विश्वकपका लागि फिफाले केही परिवर्तनहरू गरेको छ। प्रतिस्पर्धात्मक सन्तुलन कायम गर्न सेमिफाइनलसम्म पुग्ने दुईवटा मार्ग बनाइएको छ, जसले गर्दा दुई शीर्ष वरीयताका टोलीहरूले आ-आफ्नो समूह जितेको खण्डमा फाइनलअघि एकअर्कासँग भिड्नुपर्ने छैन।
उदाहरणका लागि, स्पेन प्रतियोगिताकै शीर्ष वरीयताको टोली हो भने साविक विजेता अर्जेन्टिना दोस्रो स्थानमा छ। यी दुई राष्ट्रलाई विपरीत मार्गमा राखिएको छ। फ्रान्स (तेस्रो) र इंग्ल्यान्ड (चौथो) को हकमा पनि यही नियम लागू हुन्छ, जसले गर्दा शीर्ष चार टोलीहरूले आफ्नो समूह जितेमा सेमिफाइनलसम्म एकअर्काको सामना गर्ने छैनन्।
अन्य सबै विश्वकपहरूमा जस्तै, युरोप बाहेक एउटै महादेशीय संघका टोलीहरू उदाहरण: ब्राजिल र उरुग्वेलाई एउटै समूहमा राखिएको छैन।
विश्वकप २०२६ का समूहहरू
समूह ए
१. मेक्सिको
२. दक्षिण अफ्रिका
३. दक्षिण कोरिया
४. चेकिया (चेक रिपब्लिक)
समूह बी
१. क्यानडा
२. बोस्निया र हर्जगोभिना
३. कतार
४. स्वीट्जरल्याण्ड
समूह सी
१. ब्राजिल
२. मोरक्को
३. हाइटी
४. स्कटल्याण्ड
समूह डी
१. अमेरिका
२. पाराग्वे
३. अस्ट्रेलिया
४. टर्की
समूह ई
१. जर्मनी
२. कुराकाओ
३. आइभरी कोस्ट
४. इक्वेडर
समूह एफ
१. नेदरल्यान्ड्स
२. जापान
३. स्विडेन
४. ट्युनिसिया
समूह जी
१. बेल्जियम
२. इजिप्ट
३. इरान
४. न्युजिल्याण्ड
समूह एच
१. स्पेन
२. केप भर्डे
३. साउदी अरेबिया
४. उरुग्वे
समूह आई
१. फ्रान्स
२. सेनेगल
३. इराक
४. नर्वे
समूह जे
१. अर्जेन्टिना
२. अल्जेरिया
३. अस्ट्रिया
४. जोर्डन
समूह के
१. पोर्चुगल
२. डिआर कंगो
३. उज्वेकिस्तान
४. कोलम्बिया
समूह एल
१. इंग्ल्यान्ड
२. क्रोएसिया
३. घाना
४. पानामा
