हैदराबाद । इन्डियन प्रिमियर लिग (आईपीएल) अन्तर्गत आज दुईवटा खेल हुँदैछन्। दिनको दोस्रो खेलमा सनराइजर्स हैदरावाद र चेन्नई सुपर किंग्सबिच प्रतिस्पर्धा हुनेछ।
यो खेल हैदरावादस्थित राजीव गान्धी अन्तर्राष्ट्रिय स्टेडियममा बेलुका ७:४५ बजे सुरु हुनेछ । स्मरण रहोस्, आजको पहिलो खेल भने रोयल च्यालेन्जर्स बेंगलुरु र दिल्ली क्यापिटल्सबिच एम चिन्नास्वामी स्टेडियममा खेलिनेछ।
अङ्क तालिकामा हाल आठौँ स्थानमा रहेको चेन्नईले कप्तान ऋतुराज गायकवाडको नेतृत्वमा ५ खेलमध्ये २ मा जित हात पारेको छ। आजको खेल जित्दै चेन्नई जितको ह्याट्रिक पूरा गर्ने लक्ष्यमा हुनेछ।
अर्कोतर्फ, हैदरावादले पनि ५ मध्ये २ खेल जितेको छ तर राम्रो रन रेटका कारण अङ्क तालिकाको चौथो स्थानमा छ। हैदरावादले आफ्नो अघिल्लो खेलमा बलियो राजस्थान रोयल्सलाई पराजित गरेको थियो, जुन यस सिजन राजस्थानको पहिलो हार थियो।
