काठमाडौं । नेपाल माइक्रो इन्स्योरेन्स कम्पनीका अध्यक्ष आशिष श्रेष्ठ पक्राउ परेका छन् ।
नेपाल प्रहरीको केन्द्रीय अनुसन्धान ब्युरो (सीआईबी)ले बीमा सम्बन्धी ऐन, २०७९ अन्तर्गतको कसुरमा उनलाई नियन्त्रणमा लिएको जनाएको छ ।
प्रहरीका अनुसार नेपाल बीमा प्राधिकरणबाट प्राप्त विवरणका आधारमा उक्त कम्पनीको संलग्नतामा बीमा ऐनको दफा १४० को उपदफा (१) को खण्ड (६) सम्बन्धी कसुर भएको आरोप लागेको छ ।
सोही आधारमा जिल्ला अदालत काठमाडौंबाट सोमबार पक्राउ पुर्जी लिएपछि मंगलबार काठमाडौं महानगरपालिका–५, कागेश्वरी मनोहराबाट श्रेष्ठलाई पक्राउ गरिएको सीआईबीले जनाएको छ ।
पक्राउ परेका श्रेष्ठमाथि थप अनुसन्धान भइरहेको प्रहरीले जानकारी दिएको छ ।
