मुम्बई । पंकज त्रिपाठीकी श्रीमती मृदुला उनको परिवारमा एक मात्र कमाउने थिइन्, जब पंकज मुम्बई आएर फिल्म उद्योगमा काम पाउन संघर्ष गरिरहेका थिए। विवाहित जोडी मुम्बई आएका थिए, जहाँ मृदुला शिक्षिकाको रूपमा काम गर्थिन्।
पंकजले आफ्नो करियरको सुरुवाती दिनमा आफ्नी श्रीमतीबाट धेरै सहयोग पाएको धेरै अन्तर्वार्तामा उल्लेख गरेका छन् । जसका कारण उनले अन्य संघर्षकर्ताको तुलनामा कम मेहनत गर्नुपरेको थियो ।
एक अन्तर्वार्तामा मृदुलाले आफ्नो जीवनका धेरै कथा सुनाइन् । मृदुलाले भनिन्, ‘जब हामी मुम्बई सिफ्ट भयौँ, हामीसँग कुनै बचत थिएन । मलाई लाग्छ, हामीसँग ४२ हजार रुपैयाँ जति थियो । घरको स्थिर पुँजीका लागि यो पर्याप्त थिएन। तर कुनै न कुनै रूपमा हामीले यसलाई सामना गर्न सफल भयौँ।’
‘हामी कहिल्यै फुटपाथमा सुत्ने वा धेरै दिन भोकै बस्ने जस्ता अवस्थाबाट गुज्रिएनौँ। हामी दुवैबिच पनि अहिले म काम गरेर घर चलाइरहन्छु भन्ने सम्झौता भइसकेको थियो । पछि पंकजले कमाउन थालेपछि म काम गर्न छोड्छु भन्ने थियो,’ उनले भनिन् ।
धेरै फिल्म गरे पनि पंकज त्रिपाठीले फिल्म ग्याङ्ग्स अफ वासेपुरबाट पाएको पहिचान पाउन सकेनन् । यो फिल्ममा उनको भूमिकाको निकै प्रशंसा भएको थियो । यसपछि ओटीटीमा रिलिज भएको मिर्जापुरले उनको कालिन भैयाको चरित्रलाई थप यादगार बनायो ।
विवाह समारोहमा १७ वर्षीय पंकज मृदुलासँग प्रेममा परेका थिए । यो प्रेमकथालाई विवाहमा लैजान समस्या थियो किनभने पंकजकी बहिनीको विवाह मृदुलाको भाइसँग भएको थियो । परम्परा अनुसार उनीहरूले विवाह गर्न पाउँदैन थिए ।
यस्तो अवस्थामा उनले आफ्नो परिवारलाई मनाउन निकै प्रयास गर्नुपर्यो । तर अन्ततः उनले आफ्नो परिवारलाई मनाउन सफल भए । परिवारको सहमतिपछि दुवैले १५ जनवरी २००४ मा विवाह गरेका थिए । यो जोडीको एउटी छोरी आशी छिन् ।
