लागोस । नाइजेरियाको मध्य क्षेत्रमा शनिबार पेट्रोल ट्याङ्कर विस्फोट हुँदा ७० जनाको मृत्यु भएको छ ।
‘अहिलेसम्म मृत्यु हुनेको सङ्ख्या ७० पुगेको छ,’ नाइजर राज्यको फेडरल रोड सेफ्टी कोप्र्स (एफआरएससी)का प्रमुख कुमार सुक्वामले एएफपीलाई टेलिफोनमा बताए ।
सुक्वामले ६० हजार लिटर पेट्रोल बोकेको ट्रक शनिबार बिहान १० बजे डिक्को जङ्क्शनमा दुर्घटनाग्रस्त भएको जानकारी दिए ।
‘अधिकांश मानिस चिन्न नसकिने गरी जलेका थिए,’ सुक्वामले भने, ‘हामी वास्तविकता बुझ्न घटनास्थलमा छौं ।’
गम्भीर आर्थिक सङ्कटको बीचमा नाइजेरियामा १८ महिनामा पेट्रोलको मूल्य पाँच गुणा बढेको छ ।
