काठमाडौंको सिनामंगलस्थित काठमाडौं मेडिकल कलेजका चिकित्सकलाई कुटपिट गरेको आरोपमा दुई जना पक्राउ परेका छन् ।
पक्राउ पर्नेमा गुल्मीका ३४ वर्षीय सरोज गौतम र २२ वर्षीय रुपक गौतम रहेका काठमाडौं प्रहरी परिसरका प्रवक्ता समेत रहेका प्रहरी उपरीक्षक कुमोद ढुंगेलले जानकारी दिए ।
चिकत्सक कुटपिट गरिएको भन्दै मेडिकल कलेजका रेसिडेन्ट डाक्टरहरू अस्पताल परिसरमै धर्नामा बसेका छन् ।
करिब एक साता आन्दोलनपछि सरकारसँग सहमति भएको केही घण्टाभित्रै सिनामंगलस्थित काठमाडौं मेडिकल कलेजका चिकित्सक कुटिएका थिए ।
आइतबार सबेरै बिहान १ बजेतिर काठमाडौं मेडिकल कलेजका चिकित्सक डा। मनिष खड्कासहितका स्वास्थ्कर्मीलाई उनीहरुले कुटपिट गरेको आरोप लागेको छ ।
काठमाडौं मेडिकल कलेजमा पुगेका बिरामीका आफन्तद्वयले चिकित्सकसहित ४ जना स्वास्थ्यकर्मीलाई कुटपिट गरेका थिए
