नयाँ दिल्ली । दिल्ली विधानसभा चुनावको प्रारम्भिक परिणाम अनुसार, नयाँ दिल्ली विधानसभा सिटबाट भारतीय जनता पार्टी (भाजपा) का उम्मेदवार प्रवेश वर्मा अगाडि छन्।
आम आदमी पार्टी (आप) ले यो सिटबाट पूर्व मुख्यमन्त्री अरविन्द केजरीवाललाई उम्मेदवार बनाएको छ। यहाँ कांग्रेसले पूर्व मुख्यमन्त्री शीला दीक्षितका छोरा सन्दीप दीक्षितलाई आफ्नो उम्मेदवार बनाएको छ।
उता, दिल्लीको कालकाजी सिटबाट भाजपा उम्मेदवार रमेश बिधुडी अगाडि छन्। आम आदमी पार्टीकी आतिशी उनीभन्दा पछाडि परेकी छिन्। कांग्रेसले यहाँबाट अलका लाम्बालाई उम्मेदवार बनाएको छ।
दिल्ली विधानसभा चुनावपछि आएका अधिकांश एक्जिट पोलहरूमा भाजपाले अग्रता लिने अनुमान गरिएको छ। आम आदमी पार्टी र कांग्रेसले पनि आफ्नो सरकार बनाउने दाबी गरेका छन्।
