चितवन – भरतपुर महानगरपालिका–३ काे शहीदचोक–बेलचोक सडक खण्डको बिरुवा उखाल्ने महिला पक्राउ परेकी छिन् ।
पक्राउ पर्ने महिला २८ वर्षीया खुस्बी रौनियार रहेको जिल्ला प्रहरी कार्यालय चितवनका प्रहरी नायब उपरीक्षक (डीएसपी) विजयराज पण्डितले जानकारी दिनुभयो । आज साेमवार दिउँसो ३ बजे पक्राउ परेकी महिलालाई प्रचलित कानुनअनुसार कारबाही गरिने जिल्ला प्रहरी कार्यालयले जनाएको छ ।
राैनियारले गए राति सवा २ बजे आफ्नै पसल अगाडि रहेको बिरुवा उखालेर फालेको सीसीटीभी फुटेजमा देख्न सकिन्छ । घर अगाडि रुख ठूलो भई असर पार्ने भन्दै उनले बिरुवा उखेलेकाे प्रारम्भिक अनुसन्धानबाट खुलेको छ ।
गएकाे शुक्रवार भरतपुर महानगरपालिकाले वृक्षरोपण महाअभियानअन्तर्गत यो सडकमा बिरुवा रोपेको थियो ।
