काठमाडौँ । रुपन्देहीको सिद्धार्थनगरस्थित मार्गदर्शन बहुउद्देश्यीय सहकारी संस्थाका अध्यक्ष अशोक केसीलाई प्रहरीले पक्राउ गरेको छ ।
प्रहरी वृत्त थिमीसँगको समन्वयमा केसीलाई भक्तपुरको मध्यपुर थिमी नगरपालिका–३ स्थित गठ्ठाघरबाट पक्राउ गरिएको रुपन्देहीका एसपी प्रदीप क्षेत्रीले रातोपाटीलाई बताए ।
सहकारीका अध्यक्ष ३४ वर्षीय केसी दोलखाको मेलुङ गाउँपालिका–६ का स्थानीय हुन् । उनी २०८१ वैशाख देखी फरार थिए ।
उनीमाथि बचतकर्ताको ५ करोड ९० लाख ८४ हजार हिनामिना गरेको आरोप छ । उनीविरुद्ध रुपन्देही जिल्ला अदालतबाट पक्राउ पुर्जी जारी भएको थियो ।
