मुम्बई । तनुश्री दत्ताले फेरि एक पटक नाना पाटेकरमाथि गम्भीर आरोप लगाएकी छिन्। जबदेखि उनले मीटू मुभमेन्ट पछि नाना पाटेकरको ‘नाम’ फाउन्डेसनमाथि प्रश्न उठाएकी थिइन्, त्यतिबेलादेखि नै उनलाई दुर्व्यवहार गरिएको उनको भनाई छ।
उनको इमेल ह्याक गरिनुकासाथै उनको अटोको ब्रेक पनि धेरै पटक काटिएको आरोप लगाएकी छन्। तनुश्री दत्ताले एबीपी न्यूजलाई दिएको एक अन्तर्वार्ता अनुसार उनले सन् २०२० मा नै केही मानिसहरूले उनलाई उत्पीडन गरिरहेको महसुस गरेकी थिइन् । ती अन्डरवर्ल्डका मानिसहरू हुन सक्ने उनको अनुमान छ।
अभिनेत्रीका अनुसार उनी जहाँ जान्छिन्, मानिसहरूले उनलाई पछ्याउँछन्, यदि उनले बेवास्ता गरिन् भने पनि, मानिसहरूले उनलाई सधैँ रेकर्ड गर्छन् र उनलाई पछ्याइएको महसुस गराउँछन्।
कुराकानीमा तनुश्रीले थप भनिन्, ‘म उज्जैन गएको थिएँ, जहाँ मेरो दुर्घटना भयो। कसैले मेरो अटोको ब्रेक काटिदियो। उज्जैनमा मेरो अटोको ब्रेक र क्लच एक पटक होइन दुई पटक काटियो। म बसेको होटलको कोठाको स्पेयर साँचो अरू कसैलाई दिइएको थियो। मलाई पनि पहिले विश्वास लागेन कि यस्तो हुन सक्छ। मैले फिल्महरूमा देखेको थिएँ कि यदि कुनै केटीले केही भनिन् भने, उनलाई पागल बनाउन, मार्न गुण्डाहरू पठाइन्थ्यो। पहिले मलाई विश्वास लाग्दैनथ्यो, तर त्यसपछि ती घटनाहरूले मलाई यो विश्वास गर्न बाध्य तुल्यायो।’
अभिनेत्रीले सन् २०२० मा नाना पाटेकरको फाउन्डेसनको विरुद्धमा आवाज उठाएदेखि नै यी सबै घटनाहरू भइरहेको बताइन् ।
कुराकानीमा अभिनेत्रीलाई रुँदै भिडियो बनाउनुको कारण के हो भनेर सोध्दा उनले केही मानिसहरूले उनलाई निरन्तर हैरानी गरिरहेको बताइन्। मानिसहरू उनको घरमा आउँछन् र घण्टी बजाउँछन्, तर ढोका खोल्दा भाग्छन्। त्यो दिन पनि त्यस्तै भयो, जसका कारण उनलाई ब्रेकडाउन भयो र उनले भिडियो बनाएर पोस्ट गरिन्।
