काठमाडौँ । आईसीसी महिला टी-२० विश्वकप छनोट अन्तर्गत समूह चरणको अन्तिम खेलमा स्कटल्याण्डविरुद्ध नेपालकी स्पिनर मनिषा उपाध्यायले तीन विकेट लिएकी छन् ।
त्रिवि क्रिकेट मैदानमा टस जितेर पहिलो बलिङ गरेको नेपालका लागि उनले तीन विकेट लिएकी हुन् । मनिषाले खेलको पहिलो ओभरमा दुई विकेट लिँदा तेस्रो ओभरमा थप एक विकेट लिइन् ।
दुई ओभर बलिङ गरेकी मनिषाले मात्र ६ रन खर्चेर तीन विकेट लिएकी छन् । उनले पहिलो ओभरमा क्याथरीन फ्रेजर र डार्सी कार्टरको विकेट लिँदा तेस्रो ओभरमा कप्तान क्याथरीन ब्राइसको विकेट लिइन ।
