पेरिस । इराकको एरबिल क्षेत्रमा भएको ड्रोन आक्रमणमा एक फ्रान्सेली सैनिकको मृत्यु भएको छ भने केही सैनिक घाइते भएका छन् । यो जानकारी फ्रान्सका राष्ट्रपति इम्यानुएल म्याक्रोँले दिएका हुन् ।
म्याक्रोँका अनुसार, मारिने सैनिक चीफ वारन्ट अफिसर अर्नाे फ्रिओन हुन् । इरानसँगको युद्ध सुरु भएपछि फ्रान्सेली सेनाको यो पहिलो मृत्यु भएको बताइएको छ ।
राष्ट्रपति म्याक्रोँले सामाजिक सञ्जालमार्फत मृतक सैनिकप्रति श्रद्धाञ्जली व्यक्त गर्दै उनका परिवार र सहकर्मी सैनिकप्रति राष्ट्रको सहानुभूति र ऐक्यबद्धता रहेको बताएका छन् । साथै, आक्रमणमा घाइते भएका अन्य सैनिकहरूको उपचार भइरहेको पनि उनले जानकारी दिएका छन् ।
इराकमा फ्रान्सेली सैनिकहरूको उपस्थिति आतंकवादविरुद्धको अभियान अन्तर्गत रहेको उक्त आक्रमणको कडा शब्दमा निन्दा गर्दै म्याक्रोँले भने ।
