काठमाडौँ । भोलि (शुक्रबार) देखि प्रदर्शनमा आउन लागेको चलचित्र ‘लालीबजार’को प्रिमियर आज काठमाडौँको एक हलमा भएको छ।
प्रिमियरमा दिनेश डीसीदेखि अग्रज कलाकार हरिवंश आचार्यसम्म पुगेका थिए। स्वस्तिमा खड्काको मुख्य अभिनय रहेको फिल्ममा विशाल देवकोटा, रवीन्द्रसिंह बानियाँ, समाइरा थापा, प्रशंसा सुवेदी, मुकुन्दकुमार श्रेष्ठ, अभय बराल, आशा पौडेललगायत कलाकारहरूको अभिनय छ।
प्रिमियर कार्यक्रममा स्वस्तिमाले फिल्म निर्मातासमेत रहेका निश्चल बस्नेतलाई खरानी ग्याङको लिडर भनेर बोलाएपछि हाँसो फैलिएको थियो। सञ्चारकर्मीले निश्चलको खोजी गरेपछि स्वस्तिमाले ओ खरानी ग्याङको लिडर भन्दै बोलाएकी थिइन्।
