काठमाडौं । चीनको छोचेन खोला र पुरेपू त्साङ्पो नदीको संगम छेउमा बनेको ठूलो ताल फुटेको छ ।
चिनियाँ पक्षबाट उक्त ताल फुटेको जानकारी आएको रसुवाका प्रमुख जिल्ला अधिकारी नरेन्द्र परियारले जानकारी दिए । यो ताल फुटेको सूचनासँगै फेरि बाढीको जोखिम बढेको छ ।
उता चीनले बाढीको जोखिम देखिएपछि उद्धार अभियान स्थगित गरेको छ ।
बुधबार रसुवाको भोटेकोशी नदीमा आएको भीषण बाढीले व्यापक जनधनको क्षति भएको छ । नेपाल सरकारले राहत तथा उद्धार कार्य जारी राखेको छ ।
