काठमाडौँ । बालिकालाई बलात्कार गरेको आरोपमा प्रहरीले धनकुटाको महालक्ष्मी नगरपालिका–५ बाट एकजनालाई पक्राउ गरेको छ । पक्राउ पर्नेमा ५२ वर्षीय रामबहादुर कटुवाल छन् ।
कटुवालले १३ वर्षीया बालिकालाई बलात्कार गरेको आरोप छ । घरमा कोही नभएको अवसर पारेर बालिकालाई बलात्कार गरेको सूचना पाएपछि प्रहरी चौकी लेगुवाबाट खटिएको टोलीले उनलाई पक्राउ गरेको हो ।
घटनाबारे अनुसन्धान भइरहेको जिल्ला प्रहरी कार्यालय धनकुटाले जनाएको छ ।-रातोपाटी
