मोडल तथा अभिनेत्री दीपाशा बीसीको शरीरमा बिषको मात्रा धेरै देखिएको नर्भिक अस्पताल श्रोतले जानकारी दिएको छ । श्रोतका अनुसार, बुधबार बेलुकी साढे ८ बजे दीपाशाले आफ्नै घरमा बिष सेवन गरेकी थिइन् ।
यसपछि, उनलाई परिवारका सदस्यले उपचारका लागि नर्भिक अस्पताल पुर्याएका थिए । उनको उपचारका क्रममा आज दिउँसो साढे १२ बजे निधन भएको हो ।
उनले, आफै बिषय सेवन गरिन् या अरुले खुवाइदिएका थिए भन्ने केही पनि खुलेको छैन ।
म्युजिक भिडियो क्षेत्रमा राम्रो नाम कमाइरहेकी दीपाशालाई ‘जलपरि’ उपनामले समेत दर्शकले चिन्दै आएका थिए । उनको निधनको खबरले सिंगो कला क्षेत्र नै स्तब्ध भएको छ ।
सामाजिक संजालमा उनको निधनमा फिल्म, लोकदोहोरी तथा मोडलिङ क्षेत्रका व्यक्तिहरुले श्रद्धाञ्जली व्यक्त गरिरहेका छन् ।
