कुवेत – आएको हप्ता दिन नहुदै एक नेपाली सम्पर्क बिहिन भएका छ्न। गत शनिबार नोभेम्बर ४ तारिख युएई एक्सचेन्ज कम्पनी (UAE Exchange Company) को सेक्युरिटि गार्डमा कुवेत आएका रुपन्देही तिलोत्तमा वडा नम्बर १२ बुधबारेका प्रकाश गौतम आएको भोलिपल्ट नोभेम्बर ५ तारिख आईतबारदेखि सम्पर्क बिहिन भएको कुवेतमै कार्यरत उनका आफन्तले जानकारी दिए।
कुवेतबासी नेपाली दाजुभाई दिदीबहिनीहरुले कहिँ कतै देखेमा कुवेतको नेपाली राजदूतावास अर्थात उनको आफन्तको मोबाइल नम्बर ६७०४०३१८ मा सम्पर्क गरि जानकारी गराउनुहुन समेत सबैमा आग्रह गरिएको छ।
गौतम सम्पर्क बिहिन भएको बिषयमा नेपाली राजदूतावास कुवेतलाई खोजीको लागि जानकारी गराएको उनले बताए। साथै उनको कम्पनीले समेत स्थानीय प्रहरी प्रशासनलाई खोजीको लागि जानकारी गराई सकेको छ।
मुर्गाफबाट अकस्मात सम्पर्क बिहिन भएका प्रकाश् नेपालबाट रोजगारीका लागि कुवेत आएको दोस्रो दिनमै आखिर कहाँ गए त कस्तो समस्यामा परे अन्योलता छाएको छ।
