धनगढी । कैलालीमा कुटपिट गरेर एक युवककाे हत्या गरिएकाे छ ।
घोडाघोडी नगरपालिका-२ बस्ने २६ वर्षीय मोहन अधिकारीकाे लम्कीचुहा जन्ती गएका बेला मंगलबार हत्या गरिएको प्रहरीले जनाएको छ ।
कुटपिटबाट गम्भीर घाइते भएका अधिकारीलाई टीकापुर अस्पतालले मृत घाेषणा गरेको हाे।
कुटपिटमा संलग्न ७ जनालाई प्रहरीले पक्राउ गरेकाे छ ।
पक्राउ पर्नेमा लम्कीचुहा नगरपालिका-९ घोराघाट बस्ने २३ वर्षीय विवेक भुल, २२ वर्षीय बिशाल भुल, २२ को सन्तोष परिया, २४ को गणेश भुल, १५ को पिन्टु चौधरी ,२२ दिल बहादुर चौधरी र २२ को पुरन सार्की रहेका छन् ।
उनीहरूलाई नियन्त्रणमा लिएर अनुसन्धान भइरहेकाे छ ।
