काठमाडाैं । काठमाडाैं मेडिकल कलेज (केएमसी) पब्लिक लिमिटेडले वैज्ञानिक महावीर पुनकी छोरी झरना पुनलाई पूर्ण छात्रवृत्तिमा एमबीबीएस पढाउने अफर गरेकाे छ ।
कलेजले चिकित्सा शिक्षा आयोगलाई पत्र लेखी व्यवस्थापन कोटामा उनलाई पढाइदिने भन्दै कोटा व्यवस्थापन गर्न माग गरेको हाे ।
केएमसीका चिफ डा.रतिन्द्रनाथ श्रेष्ठले केएमसीलाई व्यवस्थापन कोटा दिइए झरनालाई पूर्ण छात्रवृत्तिमा पढाउने बताए ।
पूर्ण छात्रवृत्तिमा होस्टेल खर्चसमेत हुन्छ । झरनाले आयोगले लिएको प्रवेशिका परीक्षा पास गरेकी छिन् ।
तर, उनको नाम छात्रवृत्तिमा भने आएन । जसका कारण उनी आफ्नै खर्चमा पढ्न नसक्ने देखिएकाले आफूहरूले छात्रवृत्तिमा पढाउने निर्णय गरेको उनले बताए । काठमाडाैं मेडिकल कलेज कांग्रेस सांसद डा. सुनील शर्माको हो ।
