काठमाडौं— धनुषाको हंसपुर इलाका प्रहरी कार्यालयको हिरासतमा गएराति एक जना थुनुवाको मृत्यु भएको छ । थुनुवा स्थानीय दीपनारायण मण्डलको मृत्यु भएको हो ।
प्रहरीले कुटपिट गर्दा मृत्यु भएको भन्दै बिहानैदेखि स्थानीयले प्रदर्शन गरेका छन् । आक्रोशितले समूहले इलाका प्रहरी कार्यालयमा ढुंगामुढासमेत गरेका छन् ।
धनुषाका प्रहरी प्रवक्ता डीएसपी रञ्जन अवाले स्थिति नियन्त्रणमा लिन केही राउन्ड हवाई फायर गरिएको बताए ।
त्यस क्रममा गोली लागेर एकजना घाइते भएका छन् । स्थानीय शंकर मण्डल घाइते भएका हुन् । घटनाको विस्तृत विवरण आउन बाँकी छ
