काठमाडौँ । नेपाल र अफगानिस्तानबिच दक्षिण अफ्रिकामा भइरहेको यु–१९ विश्वकप क्रिकेटमा नेपाली टोलीले अफगानिस्तानलाई निरन्तर दबाबमा राखेको छ ।
‘सुपर सिक्स’ चरणमा पुग्नका लागि आजको खेल जित्नै पर्ने दबाबमा रहेका दुवै टोलीमध्ये अफगानिस्तानलाई टसले साथ दिए पनि नेपालले भने खेलमा दबाब बनाउन सफलता पाएको छ ।
अफगानिस्तानले छैटौँ ओभरको पाँचौँ बलमा आफ्नो तेस्रो विकेट गुमाएको छ । अफगानिस्तानको तेस्रो विकेट नेपालका बलर आकाश चन्दले लिएका हुन् । जारी खेलमा चन्दको यो दोस्रो व्यक्तिगत विकेट हो ।
जमशिद जद्रानका रुपमा अफगानिस्तानले तेस्रो विकेट गुमाएर दबाब झेलिरहेको छ । जद्रानले व्यक्तिगत रुपमा ३ रनको मात्र योगदान गरे ।
७ ओभरको खेल सकिँदा अफगानिस्तानले तीन विकेटको क्षतिमा २६ रन बनाएको छ ।
