काठमाडौँ । नेपाल र अफगानिस्तानबिच दक्षिण अफ्रिकामा भइरहेको यु–१९ विश्वकप क्रिकेटमा ८ ओभरको खेल समाप्तिसम्म अफगानिस्तानले ४ विकेट गुमाइसकेको छ ।
अफगानिस्तानका सोहल खान जुरामती चौथो विकेटका रुपमा पवेलियन फर्किएका हुन् । उनले ४ रनमात्र बनाए ।
आकाश चन्दले व्यक्तिगत रुपमा तीन विकेट लिएको खेलमा अफगानिस्तान निकै दबाबमा परेको छ । अफगानिस्तानले ८ ओभर सकिँदा २७ रनमा चार विकेट गुमाइसकेको हो । नेपालका लागि अफगानिस्तानको दोस्रो, तेस्रो र चौथो विकेट चन्दले नै लिएका हुन् ।
अफगानिस्तानको पहिलो विकेट भने गुलसन झाले लिएका थिए ।
