काठमाडौं । पाकिस्तानले भारतले पाकिस्तानी भूमिमा दुई पाकिस्तानी नागरिकको हत्या गरेको आरोप लगाएको छ ।इस्लामाबादमा, पाकिस्तानी विदेश सचिव मोहम्मद साइरस सज्जाद काजीले बिहीबार भनेअनुसार सियालकोट र रावलकोटमा दुई पाकिस्तानी नागरिकको हत्यामा भारतीय एजेन्टहरूको संलग्नताको ‘बलियो प्रमाण’ रहेको छ।
पाकिस्तानले यी मामिलाहरूलाई सुपारी दिएर हत्या गरिएको मामिला भनेको छ।
पाकिस्तानका विदेश सचिवले आरोप लगाए, “११ अक्टोबर २०२३ मा सियालकोटको मस्जिद बाहिर शाहिद लतिफ नामका व्यक्तिको हत्या गरियो। योगेश कुमार नामका भारतीय एजेन्टले तेस्रो देशमा बसेर यो हत्याको षड्यन्त्र रचे। उसले मोहम्मद उमर नामका व्यक्तिलाई काममा लिएको थियो। ।”
शाहिद लतिफलाई भारतको पठानकोट हमसेको मास्टरमाइन्ड मानिन्छ।
सन् २०१६ मा पठानकोटमा भएको अतिवादी हमलामा सात भारतीय सैनिकको मृत्यु भएको थियो । आक्रमणमा संलग्न सबै अतिवादी पनि मारिए।
पाकिस्तानी विदेश सचिवले दावी गरे – मोहम्मद उमरले पाँच जनाको टोली बनाए र पहिलो प्रयासमा असफल भए पनि अक्टोबर ११ मा लतिफको हत्या गरे।
काजीले भने – मोहम्मद उमरलाई अक्टोबर १२ मा पक्राउ गरिएको थियो, उनी देशबाट फरार हुन खोजिरहेका थिए।
विदेश सचिवले दोस्रो हत्या मोहम्मद रियाज नामको व्यक्तिको भएको आरोप लगाए।
रियाज ओइक एक कश्मीरी अतिवादी थिए जसलाई ८ सेप्टेम्बर २०२३ मा पाकिस्तान प्रशासित कश्मीरको रावलकोटको मस्जिदमा गोली हानी मारिएको थियो। रियाजलाई अबु कासिम कश्मीरी भनेर पनि चिनिन्थ्यो।
पाकिस्तानले सुरक्षा अधिकारीहरूले १५ सेप्टेम्बर २०२३ मा मोहम्मद अब्दुल्लाह अली नाम गरेका अभियुक्तलाई पक्राउ गरेको दाबी गरेको छ।
परराष्ट्र मन्त्रालयका अधिकारीले अलीलाई जिन्ना अन्तर्राष्ट्रिय विमानस्थलबाट पनि पक्राउ गरिएको र सोधपुछका क्रममा भारतीय एजेन्ट अशोक कुमार आनन्द र योगेश कुमार संलग्न रहेको खुलासा भएको बताए ।
पाकिस्तानले भने त्यस्ता थप मामिलाहरु रहेको बताएको छ, जसको अनुसन्धान भइरहेको छ ।
