बलिउडको चर्चित नाम हो कलाकार तथा गायक आदित्य नारायण। उनको गायकी होस वा उद्घोषणको कलाले आदित्य बलिउडमा चर्चित छन्।
तर उनै आदित्यको एउटा भिडियो सामाजिक सञ्जालमा भाइरल भइरहेको छ। उक्त भिडियोमा आदित्यले आफ्ना फ्यानलाई माइकले हानेको देखिन्छ।
कलेजको एक कन्सर्टमा पुगेका उनले गीत गाइरहेको बेला फ्यानलाई माइकले हानेका छन्।
कन्सर्टमा उनले गीत गाइरहेका थिए। त्यतिबेलै उनी एक फ्यानको नजिक पुग्छन्। फ्यानको हातमा माइकले हान्छन्। माइकले हानेपछि आदित्यले फ्यानको मोबाइल खोसेर फालिदिन्छन्। गीत गाउँदै स्टेजमा घुमिरहेका उनले मोबाइल फालिदिएपछि पनि गीत नै गाइरहेको भिडियोमा देख्न सकिन्छ।
आदित्य नारायण गायक उदित नारायणको छोरा हुन्।
