फोटो शेयरिङ एप इन्स्टामा आफ्नो गज्जबको तस्वीर राखेर सबैको ध्यान तान्ने रहर कसलाई पो हुँदैन र ?खिचिएको आफ्नो उत्कृष्ट तस्वीरलाई इन्स्टाग्राममा पोस्ट गर्ने बेलामा समेत थप केही मिहिनेत गरियो भने त्यो गज्जबको हुन्छ ।
फोटोलाई क्रप गर्नाले यसको कम्पोजिसनलाई बढावा दिने र केन्द्रविन्दुतर्फ मानिसको ध्यान आकर्षित गर्दछ ।
इन्स्टाग्राम एपले प्रयोगकर्तालाई एपभित्रै फोटो क्रप गरेर शेयर गर्नका लागि उत्तम बनाउने सुविधा प्रदान गरेको छ।
इन्स्टाग्राममा यसरी फोटो क्रप गर्न सकिन्छ :
सुरुमा इन्स्टाग्राम एप खोल्नुहोस् र नयाँ पोस्ट create गर्नुहोस् । यसमा तपाईंले आफ्नो फोनमा रहेको तस्वीर छान्न वा एपभित्रै रहेर एउटा नयाँ तस्वीर खिच्न सक्नुहुन्छ।
त्यसरी तस्वीर छानिसकेपछि Edit अप्सनमा मा ट्याप गर्नुहोस्, जुन स्क्रिनको पिंधमा हुन्छ।
त्यसपछि क्रप आइकनमा जानुहोस् । इन्स्टाग्राममा विभिन्न पूर्वनिर्धारित क्रप अनुपातहरु उपलब्ध हुन्छन् र त्यसबाट तपाईंले कुनै एक छान्न सक्नुहुन्छ । त्यसमा square (1:1), portrait (4:5) / landscape (16:9) लगायतका विकल्प रहन्छन् ।त्यसपछि तपाईंले तस्वीरको फ्रेम एडजस्ट गरेर आफ्नो छनोट अनुसार कम्पोज गर्न सक्नुहुन्छ।
आफूले चाहे अनुसारको परिवर्तन गरेपछि Done अप्सनमा ट्याप गर्नुहोस् । यसो गर्दा तपाईंले गरेका परिवर्तन सुरक्षित हुनेछन् ।यसबाट तपाईंको तस्वीर अब उपयुक्त तरिकाले क्रप भएको छ र इन्स्टाग्राममा शेयर गर्नका लागि तयार छ ।
