काठमाडौँ – पानी पिउनु स्वस्थ रहने उपाय हो। पानीको कमीले शरीरमा धेरै समस्या निम्त्याउन सक्छ, तर धेरै पानी पिउनु घातक पनि हुन सक्छ।
एकैपटक धेरै पानी पिउनु घातक हुनसक्ने स्वास्थ्य विज्ञहरू बताउँछन् । यसले पानीको विषाक्तता निम्त्याउन सक्छ। जब शरीरमा पानी धेरै हुन्छ, सोडियम पग्लन थाल्छ। जसका कारण रगतमा सोडियमको मात्रा सामान्यभन्दा धेरै कम हुन्छ ।
यसले मस्तिष्क कोशिकाहरूमा सूजन हुन सक्छ अर्थात् ब्रेन एडेमा, जसका कारण शरीरका अंगहरूमा रगत आपूर्ति बन्द हुन सक्छ। यद्यपि, यो निकै दुर्लभ समस्या हो, तर जब कसैले सीमाभन्दा बढी पानी पिउँछ, त्यसमा रहेको इलेक्ट्रोलाइट्स रगतमा पातलो हुन्छ ।
स्वास्थ्य विज्ञहरूका अनुसार स्वस्थ व्यक्तिलाई दैनिक कति पानी चाहिन्छ त्यो उसको स्वास्थ्य, लिङ्ग, जीवनशैली र मौसममा भर पर्छ।
युएस नेशनल एकेडेमी अफ साइन्स एण्ड इन्जिनियरिङ मेडिसिनका अनुसार पुरुषका लागि दैनिक ३.७ लिटर र महिलाका लागि २.७ लिटर पानी पिउनु पूर्ण रूपमा सुरक्षित छ।
