काठमाडौं, ३ असोज । नागरिक बचाउ महाअभियानका संयोजक तथा मेडिकल व्यवसायी दुर्गा प्रसाईंले आफूसहित दुई जना सञ्चारकर्मीमाथि झुटो मुद्दा दायर गरेर पक्राउ पुर्जी जारी गरेपछि यही असोज ५ गतेबाट देशव्यापी रुपमा चक्काजाम गर्न अपिल गरेका छन् । उनले राज्यले दमनकारी नीति लिएको भन्दै सो नीति फिर्ता लिन चेतावनी दिएका छन्।
आज (बिहीबार) एक विज्ञप्ती जारी गर्दै उनले आफूले गरिव तथा सर्वहारा र भुईंमान्छेका लागि अभियान चलाएको र उनीहरुलई ऋणको भय र त्रासबाट बचाउन सफल भएको पनि दाबी गरेका छन् । आफूले राष्ट्र, राष्ट्रियता, धर्म, संस्कृत र नागरिकको जीवन रक्षाको लागि शान्तिपूर्ण रुपमा आन्दोलन सञ्चालन गर्दापनि दमन गरिनु गणतन्त्रको उपहास भएको प्रसाईंको टिप्पणी छ ।
यस्तो छ प्रसाईले जारी गरेको विज्ञप्ती–
प्रेस विज्ञप्ति
नागरिक बचाउ महाअभियान सम्बन्ध सबै जिल्ला , नगर तथा केन्द्रीय पदाधिकारी ज्युहरु ।
गरिव सर्वहारा र भुइँ मान्छे का साथै किसान यातायात मजदुर उत्पिडित बर्ग को मुक्तिका लागि हाम्रो अभियानले बिगत २ बर्ष अघिदेखि शान्तिपूर्ण आन्दोलन मार्फत लाखौं जनताको जिउ धनको रक्षा गरि नागरिकलाई ऋणको भय र त्रासबाट बचाउ सफल भएको कुरा सबै मा सर्वबिधितै छ,यसरी राष्ट्र राष्ट्रियता धर्म संस्कृति र नागरिक जीवन रक्क्षार्थ शान्तिपुर्ण रुपमा चालिएको आन्दोलन लाई दमन गर्दै गणतन्त्रको नै उपहास हुने गरि नागरिकको अभिब्यक्ति स्वतन्त्रता र प्रेस स्वतन्त्रता को हनन गर्दै हाम्रो अभियानका केन्द्रीय सयोजक श्री दुर्गा प्रसाइ ज्यु साथै संञ्चारकर्मी श्री प्रकाश चन्द्र दहाल र जीवन पाण्डे ज्यु माथि कपो कल्पित र झुठा मुद्दा जाहेर गर्दै पक्राउ पुर्जी जारी गरि राज्यले जुन दमन कारीनीति अपनाएको छ । यसको घोर भत्षर्ना गर्दै सो नीति सरकारले तत्काल फिर्ता नलिए मिति २०८१ साल भोलि असोज ४ गते देशै भर विरोध सभा राँकेजुलुस बिरोध प्रदर्श र भोलि मिति २०८१ असोज ५ गते बाट देशै भर चक्काजाम , बिरोध धर्ना लगायतका कार्यक्रम अघि बढाउनु हुन सबै नगर, जिल्ला ,अञ्चल तथा केन्द्रीय पदाधिकारी ज्युहरु लाई यसै बिज्ञप्ती मार्फत हार्दिक आवाहान गर्दछौ१ नागरिक बचाउ बचाउ महाअभियान केन्द्रीय कार्यालय
काठमाडौ,नेपाल
