लस एञ्जलस । अमेरिकी र्यापर सिन डिडीमाथि यौन दुर्व्यवहार गरेको भन्दै सयभन्दा धेरै मानिसले मुद्दा हालेका छन् । एक जना अमेरिकी वकिलले यस्तो बताएको भन्दै बीबीसीले समाचार छापेको छ ।
समाचारका अनुसार उनीमाथि यौन दुर्व्यवहार , बलात्कार र यौन उत्पीडनका मुद्दा लागेका छन् । पीडितमध्ये केही नाबालिग रहेको र उत्पीडनको समयमा उनीहरूको उमेर थोरैमा ९ वर्षसम्म रहेको पाइएको टेक्ससस्थित वकिल टोनी बजबीले भनेका छन् ।
तर डिडीकौ वकिलले भने आफ्ना क्लाइन्टमाथिको आरोप अस्वीकार गरेका छन् । सबै आरोप झुटा र उनको मान मर्दन गर्न लगाइएको एरिका वल्फको भनाई थियो । डिडी गएको हप्ता मात्रै पक्राउ परेका थिए । उनीमाथि यौन धन्दा चलाएको र यौन तस्करी गरेको भन्दै मुद्दा चलाइएको छ ।
उनी हाल सङ्घीय हिरासतमा छन् । अदालतले उनलाई जमानतमा रिहा गर्न अस्वीकार गरेको थियो । डिडीले भने आफूमाथिको सबै आरोप अस्वीकार गरेका छन् ।
