एसिया कप क्रिकेटको सुपर फोर अन्तर्गत श्रीलंकाविरुद्धको खेलमा बंगलादेशले टस जितेर पहिले फिल्डिङ रोजेको छ ।
कोलम्बोस्थित प्रेमदासा रंगशालामा हुने खेलमा बंगलादेशले फिल्डिङ रोजेपछि श्रीलंकाले पहिले ब्याटिङ गर्दैछ ।
प्रतियोगिताको सुपर फोरमा पाकिस्तानसँग भएको पहिलो खेल हारेको बंगलादेश आज यो खेल जित्नैपर्ने दबाबमा छ ।
श्रीलंकाविरुद्ध पराजित भए बंगलादेशको फाइनल यात्रा सकिनेछ ।
यता श्रीलंका पनि पहिलो खेलमा जित निकालेर भारत र पाकिस्तानसँग खेल्नु अघि बलियो मानसिकता बनाउने मुडमा छ ।
