काठमाडाैं । नेकपा एमालेकाे युवा संगठन राष्ट्रिय युवा संघ नेपाल धनुषाले सरकारी गाडीको दुरुपयोग रोक्न अभियान थालेको छ ।
युवा संघले जनकपुरधाममा सरकारी गाडीको दुरुपयोग रोक्न शनिबारदेखि अभियान थालेकाे हाे ।
संघले आज शनिबार बिदाको दिन जनकपुरधामबाट सरकारी नम्बर प्लेटका ११ वटा गाडी नियन्त्रणमा लिइएकाे जनाएको छ । जसमा चारपांग्रे २ र ९ वटा मोटरसाइकल छन् ।
युवा संघले नियन्त्रणमा लिइएका ११ वटा सरकारी गाडी आवश्यक कारबाहीका लागि ट्राफिक प्रहरीलाई बुझाएकाे छ ।
सार्वजनिक बिदाकाे दिन सरकारी गाडीकाे दुरुपयाेग बढेपछि अभियान थालिएकाे युवा संघले जनाएकाे छ । बिदाको दिन सरकारी गाडी गुडाउन प्रमुख जिल्ला अधिकारीसँग अनुमति लिनुपर्छ । अनुमतिबिना सरकारी गाडी चलाउनेक्रम बढेपछि त्यसलाई राेक्न पहल थालिएकाे युवा संघले जनाएकाे छ ।
