काठमाडौं । नेपाल क्रिकेट संघ (क्यान)को अध्यक्षमा उमेदवारी घोषणा गरेका विनय राजभण्डारीले उमेदवारी फिर्ता लिएका छन् ।
बर्दिया जिल्ला क्रिकेट संघका अध्यक्ष तथा लुम्बिनी प्रदेशका उपाध्यक्ष विनयले निर्वाचनको केही घण्टा अघिमात्र उमेदवारी फिर्ता लिएका हुन् ।
उनले वर्तमान अध्यक्ष तथा अध्यक्ष पदका अर्का उमेदवार चतुरबहादुर चन्दसँग रहेको असमझदारीमा सहमति बनेपछि आफूले नाम फिर्ता लिएको बताए । विनयले उमेदवारी फिर्ता लिएपछि क्यानको अध्यक्षमा चन्द निर्विरोध निर्वाचित हुने देखिएको छ । यद्यपि, अहिले निर्वाचनका लागि मनोनयन दर्ता भइरहेको छ ।
यसअघि विनयले शुक्रबार चन्द नेत्तृत्वको चार वर्षे कार्यकाल असफल भएकाले आफूले उमेदवारी दिएको बताएका थिए ।
