काठमाडौं । नेपाली राष्ट्रिय क्रिकेट टोलीका कप्तान रोहितकुमार पौडेलले मंगोलियाविरुद्धको खेलमा टी-ट्वान्टी आईमा कप्तानको रुपमा डेब्यु गर्दै छन् ।
रोहितले गत वर्षको कार्तिक २९ मा युएईविरुद्धको खेलमा कप्तानको रुपमा डेब्यु गरेका थिए ।
उनले राष्ट्रिय टोलीको कप्तानको जिम्वेवारी पाए पश्चात नेपालले पहिलो टी-ट्वान्टी अन्तर्राष्ट्रिय खेल्दैछ ।
रोहितले २९ ओडिआई खेलमा कप्तानी गरे पश्चात टी-ट्वान्टी आईमा कप्तानीको अवसर पाउँदै छन् ।
२०१४ मा नेपालले पहिलो टी-ट्वान्टी आई खेलेको थियो । हालसम्म नेपालका लागि तीन खेलाडीले टी-ट्वान्टी आईमा कप्तानी गरेका छन् ।
पारस खड्काले सर्वाधिक २७ खेलमा कप्तानी गर्दा उनको कप्तानीमा नेपालले ४२ दशमलब ३ प्रतिशत खेल जितेको छ ।
सन्दीप लामिछानेले १८ खेलमा कप्तानी गर्दा ७२ दशमलब २२ प्रतिशत खेल जिताएका छन् ।
ज्ञानेन्द्र मल्लले १२ खेलमा कप्तानी गर्दा ७५ प्रतिशत खेलमा जित दिलाएका छन् ।
रोहितले २१ टी-ट्वान्टी आई खेलमा ३ सय ७६ रन बनाएका छन् ।
