लण्डन । प्रिमियर लिगमा चेल्सी आफ्नै घरेलु मैदानमा ब्रेन्टफोर्डसँग पराजित भएको छ । शनिबार भएको खेलमा चेल्सी २–० ले पराजित बनेको हो ।
पहिलो हाफ गोलरहित बराबरीमा सकिए पनि दोस्रो हाफको ५८ औँ मिनेटमा इथन पिनोकले पाहुना टोलीलाई अग्रता दिलाए । चेल्सीले गोल गर्ने थुप्रै अवसरहरू गुमाएको थियो ।
यसको फाइदा उठाउँदै इन्जुरी समयमा ब्रायन एमबेयुमोले अर्को गोल थप्दै टोलीलाई लिगमा तेस्रो जीत दिलाए । पराजयपछि चेल्सी १० खेलबाट १२ अङ्क बटुल्दै लिगको ११ औँ स्थानमा सीमित बनेको छ ।
१३ अङ्कसहित ब्रेन्टफोर्ड लिगको १० औँ स्थानमा छ ।
