काठमाडौं । आईसीसी विश्वकप लिग–२ क्रिकेट अन्तरगत त्रिकोणात्मक शृङ्खलाको दोस्रो खेलमा नेपालले नेदरल्यान्ड्सविरुद्ध पहिलो विकेट गुमाएको छ ।
त्रिवि क्रिकेट मैदानमा जारी खेलमा कुशल भुर्तेल २८ रन बनाएर आउट भएका हुन् ।
उनी भियिन किंग्माको बलमा क्याच आउट भए ।
उनले मात्र ११ बलमा २ चौका र ३ छक्का हिर्काए । नेपालले ४ ओभरमा १ विकेटको क्षतिमा ४३ रन बनाएको छ ।
यसअघि नेपालले राम्रो बलिङ प्रदर्शन गर्दै नेपालले नेदरल्यान्ड्सलाई १ सय ३७ रनमा आलआउट गर्न सफल भएको हो ।
